Editor
मुंबई,(अलीम इनामदार)
— राष्ट्रवादी काँग्रेस पक्ष (अजित पवार गट) दिंडोशी तालुकाच्यावतीने महिलांसाठी विशेष असा ‘मान वहिनींचा, खेळ पैठणीचा!’ हा आकर्षक कार्यक्रम आयोजित करण्यात आला आहे.
हा कार्यक्रम शनिवार, १३ डिसेंबर रोजी सायंकाळी ५ ते ८ या वेळेत
नागरी निवारा रहिवासी संघ, नागरी निवारा परिषद झोन २, बिल्डिंग क्रमांक ५४, दिंडोशी, गोरेगाव पूर्व येथे होणार आहे.
कार्यक्रमात पहिल्या विजेत्याला आकर्षक पैठणी देऊन सन्मानित केले जाणार असून, उत्तेजनार्थ पारितोषिक म्हणूनही विविध आकर्षक भेटवस्तू ठेवण्यात आल्या आहेत. तसेच सहभागी होणाऱ्या प्रत्येक महिलेस भेटवस्तू देण्यात येणार आहे.
यावेळी महिलांसाठी भव्यदिव्य हळदीकुंकू समारंभ सुद्धा आयोजित केला आहे.
दिंडोशी तालुका अध्यक्ष विलास दगडू घुले यांनी आवाहन केले आहे की, परिसरातील सर्व महिलांनी मोठ्या संख्येने सहभागी होऊन या कार्यक्रमातील बक्षिसांची लयलूट करावी.
